#paralimpiKS
Komiteti Paralimpik i Kosovës
Komiteti Paralimpik i Kosovës
Komiteti Paralimpik i Kosovës është organizata ombrellë e organizatave sportive të personave me aftësi të kufizuara në Republikën e Kosovës, e cila bashkon federatat, shoqatat e parasportive dhe asociacione tjera, aktivitetet e të cilave kanë rëndësi për promovimin e sportit për personat me aftësi të kufizuara dhe të cilat organizohet në përputhje me standardet paralimpike dhe parimet ndërkombëtare të lëvizjes Paralimpike dhe ligjet e Republikës së Kosovës.
KPK është anëtar me të drejta të plota në Komitetin Paralimpik Ndërkombëtar dhe në atë Evropian.
Lajmet e fundit
Të gjitha lajmet e fundit rreth sportisteve tanë i gjeni më poshtë.
Rreth Nesh
Komiteti Paralimpik i Kosovës (KPK) – mision, përgjegjësi dhe standarde për sportin paralimpik në Kosovë.
Komiteti Paralimpik i Kosovës është organizatë që i përket Lëvizjes Paralimpike dhe merr përsipër të respektojë dispozitat e Statutit të Komitetit Paralimpik Ndërkombëtar dhe të Kodit Botëror Anti-Doping, si dhe të përmbajë vendimet e Komitetit Paralimpik Ndërkombëtar.
KPK-ja merr përsipër, në përputhje me misionin dhe rolin e saj në nivel kombëtar, të promovojë dhe zhvillojë sportin për të gjithë dhe sportin elitë për para-sportistët; si dhe të marrë pjesë në Lojërat Paralimpike dhe në veprime për promovimin e paqes dhe barazisë gjinore në sport.
KPK gjithashtu merr përsipër të mbështesë dhe inkurajojë promovimin e etikës sportive; për të luftuar kundër dopingut (bazuar në Kodin Anti-Doping, si WADA ashtu edhe KPN); të zbatojë Kodin e Klasifikimit të KPN dhe të demonstrojë qasjen e përgjegjshme për çështjet mjekësore.
Komiteti Paralimpik i Kosovës është organizata ombrellë e organizatave sportive për personat me aftësi të kufizuara në Republikën e Kosovës, së bashku me federatat, shoqatat e parasportive dhe asociacione të tjera, aktivitetet e të cilave kanë rëndësi për promovimin e sportit për personat me aftësi të kufizuara dhe të cilat organizohen në përputhje me standardet paralimpike dhe parimet ndërkombëtare të lëvizjes Paralimpike dhe Ligjet e Republikës së Kosovës.
KPK-ja është ekskluzivisht përgjegjëse për përmirësimin dhe zhvillimin e parasporteve dhe përfshirjen e integrimin e personave me aftësi të kufizuara në parasporte, së bashku me anëtarët e saj, në përputhje me Ligjin për sportin.
Vizioni
“Sporti për personat me aftësi të kufizuara të bëhet stil i jetës për çdo qytetar të Kosovës dhe pjesëmarrja në çdo garë nën patronatin e Komitetit Paralimpik Ndërkombëtar, duke përfshirë edhe Lojërat Paralimpike Verore dhe Dimërore dhe shkëlqimi në to.”
Misioni
- Zhvillimi, përhapja dhe mbrojtja e lëvizjes paralimpike në Kosovë
- Ndërtimi i infrastrukturës adekuate dhe me standarde ndërkombëtare
- Rritja e klubeve dhe shtrirja gjeografike në tërë Kosovën pa diskriminim
- Rritja e numrit të personave që merren me sporte paralimpike
- Organizimi i kampionateve dhe garave paralimpike në Kosovë
- Organizimi i garave ndërkombëtare për promovimin e sportit, turizmit dhe vlerave shoqërore
- Ngritja e kapaciteteve të burimeve njerëzore në KPK, federata dhe klube
- Përgatitja e ekipeve kombëtare për gara ndërkombëtare dhe përfaqësim dinjitoz
Presidentja e Komitetit Paralimpik të KosovësPrishtinë
Njomza Emini
Presidentja e Komitetit Paralimpik të Kosovës
Njomza Emini ka lindur në Prishtinë. Ajo ka përfunduar studimet universitare në Fakultetin Filologjik, Dega e Sociologjisë, duke ndërtuar një bazë të fortë akademike në analizën shoqërore, politikat publike dhe zhvillimin social.
Studimet post-universitare i ka vazhduar në Tiranë, në fushën e marrëdhënieve diplomatike dhe ndërkombëtare, ku ka thelluar njohuritë në diplomaci, bashkëpunim ndërkombëtar dhe përfaqësim institucional.
Ajo ka qenë deputete e Kuvendit të Republikës së Kosovës nga Lidhja Demokratike e Kosovës, në një nga periudhat më të rëndësishme të historisë së vendit – kohën e shpalljes së Pavarësisë së Kosovës – duke kontribuar drejtpërdrejt në proceset shtetformuese dhe konsolidimin institucional.
Si Presidente e Komitetit Paralimpik të Kosovës, Njomza Emini angazhohet për avancimin e sporteve paralimpike, përfshirjen e personave me aftësi të kufizuara në sport dhe shoqëri, si dhe për përfaqësimin dinjitoz të Kosovës në arenën ndërkombëtare paralimpike.
Bordi Ekzekutiv & Stafi
Komiteti Paralimpik i Kosovës udhëhiqet nga një strukturë drejtuese profesionale dhe një staf i përkushtuar, të cilët sigurojnë funksionimin institucional, zhvillimin e parasporteve dhe përfaqësimin dinjitoz të Kosovës në arenën kombëtare dhe ndërkombëtare.
Federatat dhe Asociacionet
Në kuadër të Komitetit Paralimpik të Kosovës funksionojnë federatat dhe asociacionet në vijim. Secila prej tyre mund të ketë nën-faqen e vet për informata, strukturë dhe aktivitetet kryesore.
Federata e Sporteve për të Verbër
Informata, aktivitetet dhe kontakti i federatës.
Federata e Paravolejbollit e Kosovës
Programet sportive, garat dhe zhvillimi i disiplinës.
Federata e Basketbollit me Karroca
Ligat, klubet pjesëmarrëse dhe rezultatet.
Federata e Boccias e Kosovës
Trajnime, gara dhe përfshirja e sportistëve.
Federata e Para-shenjëtarisë
Disiplina, standardet dhe aktivitetet sportive.
Federata e Para-atletikës
Garat, përgatitjet dhe zhvillimi i ekipit.
Asociacioni i Tenisit me Karrocë
Eventet, klubet dhe pjesëmarrja në gara.
Lojërat Parasportive janë ngjarja më madhore vendore e parasportit në Kosovë. Kjo ngjarje, e shndërruar tashmë në tradicionale, bashkon në një vend parasportistët vendorë, për të garuar për trofeun e më të mirit në vend në disiplinat e shumta parasportive.
Këto lojëra zhvillohen 1-2 herë në vit dhe konsiderohen si maratonë e mundësive për personat me aftësi të kufizuara, të përfshirë në sport.
Logot e Partnerëve
Takimi me Presidenten e Republikës
Përkrahje e palëkundur dhe frymëzim i jashtëzakonshëm! Ndiqni momentet e veçanta kur Presidentja e Kosovës takohet me ekipin tonë paralimpik, duke na kujtuar se fuqia e unitetit dhe vendosmërisë i kapërcen të gjitha pengesat.
Lojrat e Ardhshme Paralimpike
